මෙහි පල වන්නේද මා මීට පෙර පළ කලා හා සමාන ලංකා සී නිවුස් වෙබ් අඩවියේ පළවූ ලිපියකි. විද්‍යාත්මක ක‍්‍රමවේදය පිළිබද ජනතාව තුල ඇති විශ්වාසය බිද දැමීම මගින් ජනතාවගේ විචාරාත්මක අවබෝධය මොටකර ප‍්‍රශ්න නොනගන සුවච කීකරු යටහත් පහත් ජනතාවක් බිහිකර ගැනීමේ ක‍්‍රමවේදය පාලක පැලැන්තිය විසින් සුක්ෂම ලෙස ක‍්‍රියාවට නගන ආකාරය අවබෝධ කර ගැනීමට මෙය කදිම උදාහරණයකි.
මෙම ලිපිය සහ කමෙන්ට්ස් පිළිබදව මාගේ විවරණයක් මමද කමෙන්ට් එකක් සේ පල කලෙමි. පළමුව ලිපිය හා අනෙකුත් කමෙන්ට්ස් කියවා පසුව මාගේ කමෙන්ට් එක කියවීම තත්වය පැහැදිලිව අවබෝධ කරගැනීමට රුකුලක් වනු ඇත.
අයින්ටයින්ගේ ආලෝකයේ වේග සීමාව පට්ටපල් බොරුවක්! – CERN
September 24, 2011 at 3:00 pm | Lanka C News
– බටහිර විද්‍යාවේ ඊනියා වාස්තවිකත්වයට තවත් පහරක්.
– බටහිර විද්‍යාවේ විශ්වය පිළිබඳ සියළුම ප්‍රවාද බොරු බව බටහිර විද්‍යාවටම පිළිගැනීමට සිදුවන ලකුණු.
මීට ශතවර්ශයකට පමණ පෙර බටහිර බිහිවූ ඉහළම සහ අග්‍රගණය විද්‍යායා සහ අද්වතා ලෙස සැලකෙන ඇල්බට් අයින්ස්ටයින් (Albert Einstein) විසින් ආලෝකයේ වේගය ඉක්මවිය හැකි කිසිදු ප්‍රපංචයක් (ශුද්‍ර අංශු) විශ්වයේ නොපවතින බවට ප්රකාශ කරමින් ගොඩ නැඟූ බටහිර විද්‍යාව ද තව දුරටත් වලංගු නොවන්නා වූ විෂයක් බවට පත්වෙමින් පවතින බව ස්විස්ටර්ලන්තයේ පිටිහි CERN පරික්‍ෂණාගාරය විසින් සිදුකර ඇති නවතම පරික්‍ෂණයකින් සනාත වෙමින් පවතී බව බ්‍රිතාන්‍ය ටෙලිග්‍රාෆ් වාර්තාවක සඳහන් වේ.
මීට ශතවර්ශයකට පමණ පෙර, එනම් 1905 දී ඇල්බට් අයින්ස්ටයින් විද්වතා විසින් ඔහුගේ විශේෂ සාපේක්ෂතාවාදය තුළින් ආලෝකයේ වේගය ඉක්මවන්නා වූ කිසිදු ප්‍රපංචයක් ‘දෙවියන් වහන්සේ’ විසින් විශ්වය තුළ නිර්මාණය කර නොමැති බව ප්රකාශ කර තිබිනි.
එහෙත්, ඊයේ රාත්‍රීයේ (24) දී ප්රකාශයට පත් කරන ලද CERN පරික්‍ෂණාගාරයේ පරික්‍ෂකයින් පිරිසක් විසින් සිදුකරනු ලැබූ පරික්‍ෂණ වාර්තාවකට අනුව, ස්භාවධර්මය පිළිබඳව බටහිර විද්‍යාව විසින් ගොඩනඟා ඇති අත්තිවාරම බොහෝ දුරට බොරු විය හැකි බව බ්‍රිතාන්‍ය ටෙලිග්‍රාෆ් සඳහන් කරයි.
බටහිර විද්‍යාවේ ඉහළතම සහ නිවැරැදි පරික්‍ෂණ පවත්වන එකම සහ ප්රධානතම පරික්‍ෂණාගාරය CERN පරික්‍ෂණාගාය බවට බටහිර භෞතික විද්‍යායෝ කියා සිටිති. තවද, එය ලොව පවතින විශාලතම පරික්‍ෂණාගාරය ද වේ. CERN විසින් සිදුකරනු ලැබූ ඉහත ශුද්‍ර අංශු පරික්‍ෂණයට අනුව ආලෝකයේ ප්‍රවේගය ඉක්මවා ගමන් කළ හැකි ශූද්‍ර අංශු විශේෂයක් (පරමානුක අණු විශේෂයක්) පිළිබඳව හෙළවී ඇති බැවින් බටහිර විද්‍යා ලෝකයම දැඩි කම්පනයකට පත්ව ඇති බව ද ටෙලිග්‍රාෆ් සඳහන් කරයි.
CERN විසින් තම විසින් සිදුකරනු ලැබූ පරික්‍ෂණය ඉතා නිරවද්‍ය පරික්‍ෂණයක් බවට සනාත කර ඇති බැවින් අයින්ස්ටයින්ගේ ආලෝකයේ ප්‍රවේග සීමා මූලදර්මය අනුව, පසුගිය අවුරුදු 100 තුළ බටහිර විද්‍යාව විසින් විශ්වය පිළිබඳව ඉදිරිපත් කර තිබූ කෙළ කෝටීයක් වූ සියළුම දැනුම එකවර බොරුවීමට බොහෝ දුරට ඉඩ ඇතැයි බටහිර විද්‍යාඥයෝ කණගාටුවන බව ද ටෙලිග්‍රාෆ් වාර්තාව අනුව පෙනී යයි.
වර්ෂ 1905 දී අයින්ටයින් විසින් ඉදිරිපක් කළ විශේෂ සාපේක්‍ෂතාවාදයට අනුව අවකාශය තුළ වැඩිම වේගයකින් ගමන් කළ හැකි එකම ප්‍රපංචය අලෝකය බවත් එම වේගය තත්පරයට කිලෝමීටර 299,792 (තත්පරයට සැතපුම් 186,282) ක් බව ප්රකාශ කර තිබිනි. එම මූලධර්මයට අනුව අයින්ටයින් විසින් ඉදිරපත් කරනු ලැබූ සමීකරන බටහිර විද්‍යාව තුළ ඉතා ඉහළින් ද පිළිගනු ලබන වූ සමීකරණ වේ. ආලොකයේ ප්‍රවේගය ආධාරයෙන් අයිස්ටයින් විසින් ශක්තිය සහ ස්කන්දය අතර ඇති සම්බන්ධයක් පිළිබඳව සාධනය කරනු ලැබූ E= MC2 සමීකරණය බටහිර විද්‍යාඥායෝ දෙවියන් මෙන් අදහති.
මෙම පරික්‍ෂණ ප්‍රතිඵල අනුව අනුව මහත් විශ්මයට පත්ව ඇති ඇමෙරිකානු සහ ජපාන විද්‍යාඥයෝ පිරිසක් මෙහි ඇති නිරවද්‍යතාව පිළිබඳව තවදුරටත් සනාථ කර පෙන්වන ලෙස CERN හී විද්‍යාඥ කණ්ඩායමෙන් විමසා ඇති අතර ඒ අනුව නැවත නැවත් මෙම පරික්‍ෂණය සිදුකළ බව එම CERN විද්‍යාඥක කණ්ඩායම පවසති.
“මෙම පරික්‍ෂණය සඳහා අප භාවිතා කළ උපකරණවල, අප භාවිතා කළ ක්‍රමවේදයන් පිළිබඳව, අපගේ නිරික්‍ෂණ වල යම් සාවද්‍යතාවයක් තිබේ දැයි නැවත නැවත නැවතත් දැනගැනීමේ අටියෙන් නැවත නැවතත් සිදුකළ පරික්‍ෂණවල ප්‍රතිඵල වලට අනුව අපගේ ප්‍රතිඵල වල නිරවද්‍යතාව නැවත නැවතත් සනාත වූවා. එහි කිසිදු සාවද්‍යතාවයක් නැහැ.” යැයි මෙම පරික්‍ෂණ කණ්ඩායමේ ප්‍රකාශකයෙකු වන අන්තෝනියෝ එරෙදිතාතෝ (Antonio Ereditato) නම් විද්‍යාඥා විසින් නැවතත් සනාත කරමින් වාර්තාවක් නිකුත් කර ඇත.
කෙසේ හෝ බටහිර විද්‍යාවේ ප්රධාන මූලධර්මයක් මෙසේ බොරු වී ඇති පසුබිමක ද බටහිර විද්‍යාවේ පදනමට පහර වදින්නා වූ මෙවැනි ප්රතිඵලයක් සියළුම විද්‍යාඥයෝ එකවර පිළිගැනීමට කැමැත්තක් නොදක්වන බව ද පෙනී යයි. එහෙත්, CERN පරික්‍ෂණාගාරයේ නිරික්‍ෂණයක් ප්රතික්ෂේප කිරිමේ කිසිදු හැකියාවක් බටහිර විද්‍යාවට නො පවතී.
“අයින්ටයින්ගේ මූලධර්ම පශ්චාත් භෞතික විද්‍යාව බිහිකිරීම සඳහා යොදාගත් ප්රධානතම මෙවලමයි” යැයි ලොව අංක එකේ සෛද්ධාන්තික භෞතික විද්‍යාඥයෙකු ලෙස සැලකෙත ජෝන් එලීස් (John Ellis) විසින් මෙම නිරීක්ෂණය පිළිබඳව අදහස් දක්වමින් පවසා ඇත්තේ බටහිර විද්‍යාවේ පදනම දෙදරිය හැකි බවට ඉඟියක් කරමින් නිසා බව හොඳාකාරවම පෙනී යයි.
– පුවතට මූලාශ්ර ලබා ගත්තේ මෙම ටෙලිග්‍රාෆ් වාර්තාවෙන් සහ අන්තර්ජාලය ඇසුරිනි, යූ. ඩී.
පෙර පුවත: සාපේක්ෂතාවාදය අභියෝගයට ලක්වේ. බටහිර විද්‍යාව යළි සලකා බැලිය යුතුය
විශේෂ ස්තුතිය:- මෙම කොම්මටය පළ A.D. ට අපගේ විශේෂ ස්තූතිය.
…………………………………….
13 Comments to “අයින්ටයින්ගේ ආලෝකයේ වේග සීමාව පට්ටපල් බොරුවක්! – CERN”
Reply
Samanalaya says:
September 24, 2011 at 4:22 pm
Lanka C news nikam bala wada karanna epa, America wirodayak tiyanawa kiyala kisi wadagammakata nathi dewal use karala news mawanna epa. CERN eken hoya gatta kiyana eka oya tharam uda paninna tharam hethuwak da? Anika oya aluth soya ganeema karapu CERN ayathanaya tiyenne SWITZERLAND wala kiyala CNews ta amathaka unada? Eka batahira nemei da?
Kanna one unama Kabaragoya Thalagoya kara ganna epa. Nikam minissu rawattanawa.
Reply
Honda Helaya says:
September 24, 2011 at 3:56 pm
යු.ඩි විසින් මේ ලිපිය රචනා කර ඇත්තේ මෙය කියවන පාටකයාගේ මනසේ බටහිර කෙරෙහි අනියත ජුගුප්සාජනක කාලකන්නි ප්‍රීතියක් මවන අටියෙනි.ඉන් සිදුවන්නේ දුපත් හෙවත් කොදොව් මානසිකත්වයක් හිමි යයි කියන ලංකික ලින් මැඩි දැනුම් ඇත්තන්නන්ගේ මොලයේ ක්‍රියාකාරිත්වය තව තවත් සීමිත හෝ පටු කිරීමයි.ඔබ මින් කුමක් බලාපොරොත්තු වන්නේද? අයිස්ටයින් ලෝකය දෙවියකු මැව්වා යන සංකල්පය බැහැර කළා පමණක් නොව ඔහුටම විසදාගත නොහැකි වූ 13 වැනි සමීකරණය විසදීමට නම් බුදු දහම තේරුම් ගත යුතුයි කියාද කල්පනා කල අයෙකි.මා කියවා ඇති පරිදි ඔහු අවසාන කාලයේදී බෞද්ධයෙක්ව සිට ඇත.(මෙය ඔප්පු කිරීමට මට සාක්ෂි නැත.) අනික් කාරනාව. ඔය අයින්ස්ටයින් ගේ මතය බිදහෙලු (තවම මෙය නිවැරදියි කියා ලෝකය පිළිගෙන ස්ථිර කර නැත.) විදු දරුවන් සිටිනුයේද බටහිරමය. (ස්විස්ටර්ලන්තයේ) එසේ නම් බටහිර මතයක් බිද හෙලන විට නැගී සිටියේද බටහිර මතයක් ම නේද? අයි ඔබ කොරහේ කිබුලන් පෙන්වමින් අසරණ ලාංකික පාටකයාව මුලා කරන්න උත්සාහ කරන්නේ? මෙය නම් අපි බලාපොරොත්තු වන ප්‍රමිතිය නොවේ?
Reply
Honda Helaya says:
September 24, 2011 at 4:01 pm
“විශ්වයේ ක්‍රියාකාරිත්වය පිළිබඳ සියලුම විද්‍යාත්මක විශ්වාසනයන්ට පාදක වී ඇති අයින්ස්ටයින්ගේ සාපේක්ෂතාවාදය පිළිබඳ විශේෂ සිද්ධාන්තය පදනම් වී තිබෙන්නේ කිසිඳු අංශුවකට ආලෝකයේ වේගය අභිබවා ගමන් කළ නොහැකි යන්න මතය.”
අයිස්ටයින් අවුරුදු 110 ඉස්සර මෙහම කිව්වට ඊට වඩා වැඩි වේගයකින් අංශුන් ගමන් කරන බව බෞද්ධයන් වගේම හින්දුන්ද මිට අවුරුදු 2500 ටත් පෙර සිටම දැනගෙන සිටි බවට ඇති හොදම සාක්ෂිය තමයි ඉර්දී වීමේ බලය. මෙතන සිටින තැනැත්තා. ක්සනයකින් ඉර්දී වී තව තැනක සිටීම.
Reply
Buddhika says:
September 24, 2011 at 3:52 pm
Come on why this western and non wetern..its Science..its obbioius with the time lots of old priciples were discovered that not exactly correct.when Ainstine discovered E =MC2..Newtons therom was challenged..its the development of sciens and thats how science it doe not mean that Ainstined is a fool or wrong ..Knoelwedge is relative to the time..
Dont try to mix ur wetsern/eastern to science ..its every where science..iS Swisterland NOn western?..come onn
Reply
අප්පු says:
September 24, 2011 at 3:49 pm
ලෝකය තේරුම් ගැනීම යනු තමාවම තෙරුම් ගැනීමයි.එසේ නැතිව කවදාවත් මේ ලෝකය බාහිරින් තේරුම් ගැනීමට ගන්නා සියලු උත්සහයන් සාපේක්ෂතා වාදය මෙන් දියවී යනු ඇත.
මේ බටහිරින් අපට උගන්වනු ලැබු Science යන්නට අපගේ පැරනි උගතුන් විසින් විද්‍යාව යන නම දැමීම කොපමණ දුරට ගැලපේද යන්න දැනටම අප සියලු දෙනාටම හොදින්ම තේරෙනවා.විද්‍යාව යන වචනය පාලී වචනයක්(විජ්ජා)එම වචනය මෙම නිතර වෙනස් වන බටහිර මිනිසුන්ගේ Science යන්නට ආදේශ කිරීම කොතරම් අභාග්‍යයක්ද.විද්‍යාව(විජ්ජා)යනු සත්‍යයි.(විජ්ජා උදපාදී ආලෝකය පහල විය.මෙම පහලවූ ආලෝකය නැවත කිසිදාක වෙනස් වූයේ නැත)එම නිසා බටහිර මිනිසුන්ගේ Science යන්නට වෙනත් වචනයක් දැන්වත් සොයා ගත යුතුය.(බෞද්ධ විද්‍යා යන වචනය භාවිතා කිරීම ඒ වචනයේ සෑබෑ අරුත විකෘති කිරීමක් නිසා)
Reply
අප්පු says:
September 24, 2011 at 3:38 pm
හැම සිද්ධියක්ම බටහිර (අ)විද්‍යාව මත පදනම්ව විග්රහ කිරීම කොතරම් සාධාරණ යුක්ති සහගතද යන්න දැන්වත් තේරුම් ගැනීමට කාලය පැමිණ ඇති බව මේ මගින් අපට කියා සිටී.
Reply
Erandaka says:
September 24, 2011 at 3:36 pm
They have found particles move faster than the speed of the light (c = 30000000 m/s). Therefore the “c” in the equation E=mc2 must be replaced by that new speed. Therefore the energy generated in nuclear power plants must be larger than the calculated value with “c”.
Reply
CERN says:
September 24, 2011 at 3:34 pm
it’s true these particles were found out to be travelling faster than light. it is a new discovery and as usual, science moves forwards. by the way CERN is also western scientists. please don’t try to give stupid interpretations.
Reply
ඊනියා වාස්තවිකයන්ට කනේ පහර says:
September 24, 2011 at 3:43 pm
අනේ පිස්සෝ අයින්ටයින්ගේ සාපේක්ෂතාවාදයත් බොරු නම් තවත් ඊනියා වාස්තවිකත්වයක් බටහිර විද්‍යාවට හොයා ගන්න පුළුවන් කියලා තවත් අදහනවානම් සිංහල වෙදකට අනුව උඹත් ප්‍රතිකාර ගනින්. එච්චරයි උඹටත් කියන්න තියෙන්නේ.
Reply
ලොක්කා says:
September 24, 2011 at 3:32 pm
එහෙම තමයි හෙම දෙයක්ම වෙනස් වෙනවා, බුදුරජානන් වහන්සෙ තමයි හරදෙ කෙයල දුන්නෙ.
Reply
Kaswatuwa says:
September 24, 2011 at 3:29 pm
C news news news wala icing wedi. cake eka adui.Bahubootha godak kiyala batahira widyawata banala misk aththa news eka nehene?
Reply
Erandaka says:
September 24, 2011 at 3:37 pm
ඒක ඇත්ත…..හරියට කතාව කියලා නැහැ.
Reply
ඊනියා වාස්තවිකයන්ට කනේ පහර says:
September 24, 2011 at 3:42 pm
අනේ පිස්සෝ අයින්ටයින්ගේ සාපේක්ෂතාවාදයත් බොරු නම් තවත් ඊනියා වාස්තවිකත්වයක් බටහිර විද්‍යාවට හොයා ගන්න පුළුවන් කියලා තවත් අදහනවානම් කටුස්සා වගේ පාට වෙනස් කරන උඹගේ ලෙඩේට සිංහල වෙදකට අනුව ප්‍රතිකාර ගනින්. එච්චරයි කියන්න තියෙන්නේ.
Reply
මගේ කමෙන්ට් එක
Wisammuthi says:
Your comment is awaiting moderation.
September 24, 2011 at 6:33 pm
විද්‍යාව විසින් ගොඩනගන ලද යම් කිසි උපකල්පනයක් විද්‍යාව විසින්ම තර්කානුකූල ලෙස බිද දැමීමක් ලෙස මම මෙම තත්වය දකිමි. විද්‍යාවේ ස්වභාවය එයයි. උදාහරණයක් වශයෙන් මුල් කාලීනව ලෝකය ගෝලාකාර බවට ඇතැමුන් තර්ක කරද්දී ඇතැමුන් එය පීරිසියක් යැයි කීවෝය. එය ඝනකයක හැඩය ගන්නා බව කී පිරිස්ද සිටියහ. ඊට පරිබාහිර මතයන් ඉදිරිපත් කරන ලද ගැලීලියෝ ගැලීලි වැන්නන් ක‍්‍රිස්තියානි, කතෝලික දර්ශනයන් විනාශ කිරීමට සාතන් එවූ දුෂ්ඨයන් වශයෙන් හුවාදක්වමින් ඔවුන් සිරගත කිරීම දක්වා මෙම තත්වයන් දික් ගැස්සුණි. කෙසේ වෙතත් අවසානයේදී සනාථ වූයේ සාවද්‍ය මතය වන්නේ ලෝකය පීරිසියක් බව විශ්වාස කිරීම මිස විද්‍යාඥයින් තර්කානුකූලව ඉදිරිපත් කළ දැය නොවන බවයි. විද්‍යාව යනු මා විශ්වාස කරන ආකාරයට සත්‍යය සොයා යාමයි. ඒ සදහා සයන්ස් නම් ඉංග‍්‍රීසි අරුත දක්වමින් පටු විග‍්‍රහයක යෙදීමට වඩා ඒ දෙස වඩාත් තාර්කික හා විවෘත මනසකින් බැලීම වටී. ලෝකය ගෝලාකාර බව අපි කවුරුත් දන්නා සිද්ධාන්තයක් වශයෙන් වර්තමානය වන විට ස්ථාපිත වී පවතින අතර කුමන ආගමික ග‍්‍රන්ථ වල කුමක් සදහන් වුවද එයට අභියෝග කිරීමට කිසිවකු ඉදිරිපත් වන්නේ නැත.
නමුත් විද්‍යාව විසින්, වඩාත් නිවැරදිව කිවහොත් යම් යම් විද්‍යාඥයින් විසින් ඉදිරිපත් කරන ලද උපකල්පන විද්‍යාව තුල පවතී. වාදය යන යෙදුම තුලින් අරුත්ගැන්වෙන්නේ මෙම මතවාදයන්හි ඇති උපකල්පනික ස්වභාවයයි. උදාහරණයක් ලෙස පරිණාමවාදය දැක්විය හැකිය. මහා බ‍්‍රහ්මයා විසින් හෝ යෙහෝවඃ විසින් හෝ අල්ලාහ් විසින් හෝ වෙන යමෙකු විසින් ලෝකය මවන ලදැයි කියන මැවුම්වාදී මතයට විකල්පයක් ලෙස ජීවයේ සම්භවය සම්බන්දයෙන් චාල්ස් ඩාවින් පරිණාමවාදය නැමති සිය අදහස ඉදිරිපත් කරන ලදී. ඒ සදහා සාධාරණ යැයි කිව හැකි හේතුන් සාක්ෂි වශයෙන් ඔහු ඉදිරිපත් කරන ලදී. කෙසේ වෙතත් වෙනත් ක‍්‍රමයකින් ජීවයේ සම්භවය ආරම්භ වීමට ඉඩකඩ නොපැවති බව මෙම වාදය හරහා හෝ පෙන්නුම් නොකරන්නේත් එය විද්‍යාව තුල න්‍යායක් වශයෙන් හෝ සිද්ධාන්තයක් වශයෙන් හෝ හැදින්වීමෙන් තොරව වාදයක් වශයෙන් එනම් අද වන තුරුම ඕනෑම පුද්ගලයෙකුට අභියෝග කළ හැකි, එමෙන්ම හැකි නම් සාවද්‍ය ලෙස ඔප්පු කිරීමේ ඉඩකඩ ඕනෑම පුද්ගලයෙකුට පවතින්නේත් මෙය සිද්ධාන්තයක් නොව වාදයක් වන බැවිනි.
ඇල්බට් අයින්ස්ටයින් මෙලොව පහළ වූ ශේෂ්ඨ උගතකු හා විද්‍යාඥයෙකි. ඔහු විසින් හදුන්වාදුන් මතය සාපේක්ෂතාවාදය ලෙස මිස සාපේක්ෂතා සිද්ධාන්තය ලෙස හැදින්වූයේ නැත. එනම් එයද ඔහුගේ පරිවේශණීය සාක්ෂ්‍ය මත එකල ප්රකාශයට පත් කරනු ලැබුවා වූද සීයට සීයක් නිරවද්‍ය ද යන්න පිළිබද විද්‍යාව තුලම යම් යම් වාද විවාද පවතින්නාවූද හැකිනම් අසත්‍ය යැයි ඔප්පු කිරීමේ භාරය තවමත් විවෘතව පැවතියා වූද වාදයක් මිස සිද්ධාන්තයක් නොවේ. එනම් එය හුදු උපකල්පනයකි. මෙම උපකල්පනය මත පදනම්ව විද්‍යාව විසින් යම් යම් සොයාගැනීම් සිදු කරන ලද බවත් ඒවායින් යම් යම් ඒවා සාර්ථකත්වයට පත්වී ඇති බවද මෙහිදී අමතක නොකළ යුතුය. නමුත් සමස්ථ බටහිර විද්‍යාව විසිවන සියවසේ මුල භාගය තුල ජීවත් වූ යම් විද්‍යාඥයෙකු ඉදිරිපත් කළ උපකල්පනයක් මත පදනම් වූ බවත් දැන් ඒ උපකල්පනය බොරු යැයි සනාථ වී ඇති නිසා සම්පූර්ණ විද්‍යාවම පට්ටපල් බොරුවක් යනුවෙන් මත පල කිරීම සිනහ උපදවන සුළු මුලාවකි. විද්‍යාව ආරම්භ වූයේ මිනිසා මෙලොවට බිහි වූ දා සිටමය. එය නවීන විද්‍යාවක් වශයෙන් එය වර්ධනයක් අත්පත් කරගන්නේ 14 වැනි සියවස හා 16 වැනි සියවස අතර කාලයක වුවද ඒ අයින්ස්ටයින් මෙලොවට බිහි වීමටද බොහෝ කලකට පෙරය. අයින්ස්ටයින් සාපේක්ෂතාවාදය ඉදිරිපත් කිරීමට පෙර බිහිවූ සොයා ගැනීම් විශාල ප‍්‍රමාණයක් පවතින අතර අද වනතුරුත් සිද්ධාන්ත වශයෙන් පිළිගනු ලබන සොයාගැනීම් බොහෝය. එබැවින් අයින්ස්ටයින්ගේ එක් සොයාගැනීමක් පිළිබද යම් අවිනිශ්චිත තාවයක් පැන නැගුණු පමණින් විද්‍යාව එයින් අහවර බව කල්පනා කිරීම කල හැක්කේ ඒ පිළිබද පවත්නා පුද්ගලික වෛරයක් හේතුවෙන් විද්‍යාව කඩා වැටෙන තුරු කෙළ හලන්නෙකුට පමණි.
ඉහත ලිපිය සම්පාදනය කිරීමට මූලාශ්ර කරගත් බව කියන ලින්ක් මදක් පිරික්සා බලන්න. ඉංග‍්‍රීසි ලිපිය සහ ඒහා සමගාමී අනෙකුත් ලිපි වල සදහන් කිසිදු කරුණක් මෙම ලිපිය තුල ඇති පරිදි විද්‍යාව කඩා වැටුණේය යනුවෙන් හුරේ දැමීමට හෝ අයින්ස්ටයින් පට්ටපල් බොරු කාරයෙකු වශයෙන් ඉමහත් ද්වේශයෙන් යුතු ආතල් එකක් ගැනීමට හේතු කාරණා නොවන බව ඒ ලිපි තේරුම් ගැනීමට ප‍්‍රමාණවත් ඉංග‍්‍රීසි දැනුමක් ඔබ සතුනම් ඔබට වැටහෙනු ඇත.
අනෙක් මූලාශ‍්‍රය වශයෙන් දක්වා ඇත්තේ මෙම වෙබ් අඩවිය විසින්ම මීට කලකට පෙර පළකරන ලද පුවතකි. ඒ ලිපියෙන් මෙම ලිපියේ කාරණා සනාථ කිරීමට කිසිදු පිටුබලයක් නොලැබෙන අතර ඉංග‍්‍රීසි ලිපියේ මූලාශ‍්‍රයන් පවා ප‍්‍රමාණවත් වන්නේ මෙහි පෙර පුවත වැනි පුවතක් ප්රකාශ කිරීමට පමණක් බවත් මෙම ලිපිය මගින් ලබා දී ඇති නිගමනයන් සනාථ කරලීමට එම මූලාශ‍්‍රයන් කිසිසේත් ප‍්‍රමාණවත් නොවන බවත් පැහැදිලිය. එනම් මෙම ලිපියේ දැක්වෙන නිගමනයන් එහි සම්පාදක වරයා එක්කෝ පේන කීම මගින් අවබෝධ කරගනු ලැබූ ඒවාය, එසේත් නැතහොත් මෙය තේරුම්ගත හැකි වන්නේ එවැන්නක් නැති බව දනිමින්ම යම්කිසි තේරුම්ගත නොහැකි හේතුවක් නිසා ශ‍්‍රී ලංකාවේ අවිචාරශීලී ජනතාව හා විමර්ශනාත්මක නොවන ජනතාව විද්‍යා විරෝධී දිශානතියක් කරා ගොණු කිරීමේ උවමනාව නිසා විද්‍යාව තුලම ඇතිවූ යම් නව සොයාගැනීමක් තුලින් එහි මෙතෙක් පැවති උපකල්පනයක් බිදවැටීම සමස්ථ විද්‍යාවේම බිද වැටීම වශයෙන් ඔහුගේ අගතිගාමී මතවාදයේ වාසියට තුච්ච ලෙස අර්ථකථනය කිරීමක් වශයෙනි.
රචකයා කියන පරිදි මේ සොයාගැනීම මගින් විද්‍යාව බිද වැටුණේ නම් ඔබ දැන් මේ සටහන කියවන්නේ අන්තර්ජාලය තුලින් වන්නේ කෙසේද. අන්තර්ජාලයත් විද්‍යාව තුලින් බිහිකරන ලද සොයා ගැනීමක් නොවේද. සත්‍ය වශයෙන්ම සමස්ථ විද්‍යාව සාපේක්ෂතාවාදය මත පදනම් වන්නේ නම් සහ සාපේක්ෂතාවාදය බොරු යැයි සනාථ වූ විට සමස්ථ විද්‍යාවම බොරු වන්නේ නම් මෙතෙක් කල් විද්‍යාව තුල සිදු කල සොයාගැනීම්ද සියල්ල බොරු විය යුතුයි නේද. සොයාගැනීම් සියල්ල බොරු නම් ඒ මත පදනම්ව කරන ලද නිපැයුම්ද බොරු විය යුතුයි නේද. හොදින් අල්ලා බලන්න. ඔබ භාවිතා කරන පරිඝනකය බොරුවක්ද කියා. සාපේක්ෂතාවාදය බොරු බව සනාථ වීම නිසා එතකොට සිදුවී ඇත්තේ කුමක්ද. විද්‍යාත්මක පර්යේශකයන් සියළු දෙනා තමන් මෙතෙක් කල් තම පරීක්ෂණ වලට පදනම් කරගත් උපකල්පනය බිදී යාම නිසා පර්යේශණ අතහැර බකංනිලාගෙන සිටීවි යැයි ඔබ සිතන්නේද. නැතහොත් විද්‍යාව අතහැර සත්‍යය ඇත්තේ පෙරදිග බැවින් පර්යේශණ වෙනුවට යාගහෝම බලි තොවිල් ආදිය පටන්ගනු ඇතැයි ඔබ සිතන්නේද. මෙම ලිපිය විස්තර කරන පරිදි සමස්ථ විද්‍යාවේ පදනම දෙදරා ඇත්නම් මා මේ සදහන් කල ප‍්‍රතිවිපාකයන්ගෙන් සියල්ලම නැතත් කිහිපයක් හෝ ඇති විය යුතුමය. ඇත්ත වශයෙන්ම එවැනි කිසිවක් සිදුවීද. නැත. සිදුවී ඇත්තේ විද්‍යාවේ පදනම දෙදරීම නොව වඩාත් නිරවද්‍ය පදනමක් ඒ සම්බන්දයෙන් සොයාගනු ලැබීමය. එය විද්‍යාවේ නව මං පෙතක් විවර කරන සන්ධිස්ථානයක් පමණක් නොව විද්‍යාවේ දියුණුව සම්බන්දයෙන් වන සාධනීය ඉදිරි පියවරක්ද වන්නේය.
නමුත් මෙහිදී සලකා බැලිය යුතු වන්නේ මෙම ලිපියේ රචකයා නවීන විද්‍යාව ජනතාව ඉදිරියේ මෙතරම් හෑල්ලුවට ලක් කිරීමට තරම් එයට වෛර කරන්නේ මන්ද යන්නයි. මෙහිදී මේ සම්බන්දයෙන් නවීන විද්‍යාවේ සිද්ධාන්තමය කාරණා මෙම රචකයාට සහ ඔහු නියෝජනය කරන රෙජීමයට අහිතකර බව පෙනී යයි. එනම් ජීව, රසායන, භෞතික විද්‍යාවන් පමණක් නොව සමාජ, ආර්ථික හා දේශපාලන කරුණුද විමර්ශණය කිරීමෙහිලා සහ විචක්ෂණ ශීලීව ඒ දෙස බැලීමෙහිලා විද්‍යාත්මක ක‍්‍රමවේදය දක්වන කෘතහස්ත භාවයයි. විද්‍යාත්මක ක‍්‍රමවේදයට අනුව යමක් විග්රහ කිරීමේදී යමක් සිදුවන්නේ අනිවාර්යයෙන්ම යම් හේතුවක් නිසායැයි නියතයක් වශයෙන් සළකනු ලැබේ. මේ අනුව යම් සිදුවීමක් විග්රහ කිරීමේදී එය බැලූ බැල්මට පෙනෙන ආකාරය පරික්ෂා කිරීමටත් එය බැලු බැල්මට කෙසේ පෙනුනත් එහි සත්‍ය තත්වය කුමක්ද යනුවෙන් නිරීක්ෂණය කිරීමටත් එයට හේතු සොයාබැලීමටත් ඒ මගින් නිගමනයන්ට පැමිණීමටත් පුද්ගලයා තුල පෙළඹීමක් ඇති වන්නේ යමක් විද්‍යාත්මකව විග්රහ කර බලන විටදීය.සාමාන්‍ය ජනයා එසේ විග්රහ කිරීමට ගියහොත් සමාජ, ආර්ථික, දේශපාලන මෙන්ම සංස්කෘතික යන අංශ වලදී පිළිවෙලින් වංචාකරුවන්, හොර වෙළෙන්දන්, දුෂිත දේශපාලනඥයන් සහ සංස්කෘතියට මුවා වෙමින් මිත්‍යා මත පතුරුවන්නන් අපහසුතාවයට පත්වෙති. මන්ද ඔවුන්ගේ සෑම සියළු ක‍්‍රියාවක් දෙසම මහජනයා මනා විමසිල්ලෙන් බලා සිටින නිසාය. එබැවින් ජනයා තුල හේතු සාධක මත පදනම් වන විද්‍යාත්මක ක‍්‍රමය පිළිබද අවිශ්වාසයක් ජනිත කරවීම තුලින් මෙම හේතු විමර්ශනය කිරීමේ, ප‍්‍රශ්න ඇසීමේ කරදරකාරී සංස්කෘතියෙන් මහජනයා දුරස් වේ. එවිට සිටිනුයේ කිසිදා ප‍්‍රශ්න නොඅසන, කිසි දෙයක් පිළිබද ගැඹුරින් නොසිතන, තමන්ගේ අයිතීන් කිසිදා නොඉල්ලන කොටින්ම දෙන දෙයක් කාලා වෙන දෙයක් බලාගෙන සිටින මහ ජනතාවකි. මෙම තත්වය යටතේ පාලකයන්ගේ කටයුතු අතිශය පහසු බවට පත්වේ. ඔවුන්ට කිසිදු අභියෝගයක් එල්ල නොවේ. සැපසේ නින්ද යයි. ඔවුන්ට දිගුකාලීන වසන්ත සමයක් උදා වේ. ලංකාවේ සියල්ලන් මෝඩයන් නොවන නිසා මෙම තත්වය සීයට සීයක් සාක්ෂාත් කරගැනීමට නොහැකි වන බව සත්‍යයකි. නමුත් මෙම තත්වය දිගුකාලීනව පවත්වාගෙන යාමට බහුතරය මෙම තත්වයට පත් කිරීම සෑහේ. වර්තමානයේ කඩපලේ, දුම්රියපලේ, බස් නැවතුමේ අපිට හමුවන සමාජ, දේශපාලන හා ආර්ථික සංසිද්ධීන් කෙරෙහි උදාසීනත්වයක් දක්වන බහුතර ජනතාව මෙම අධිපතිවාදය බුද්ධිමය ලෙස විශුද්ධිකරණයට ලක් කිරීමේ ක‍්‍රියාවලියේ ගොදුරුය.
එබැවින් කියන්නා කෙසේ කීවත් අසන්නා සිහිබුද්ධියෙන් ඇසිය යුතුය යන අපේ අතීත කියමන යථාර්ථයක් කරගැනීමට නම් කියන්නා සැබෑම සිද්ධිය කියන්නට පෙර කියන ප‍්‍රලාප වලින් අපේ සිහිබුද්ධිය අවුල් නොකරගෙන සිටීමට අප වගබලාගත යුතුය.
සත්‍ය වශයෙන්ම විද්‍යාවේ නව මංපෙතක් විවර වීමක්, විද්‍යාව නිවැරදි මාවතකට යොමු වීමක් මෙම රචකයා විද්‍යාවේ පදනම දෙදරා එය බිද වැටීමට පටන් ගැනීමක් වශයෙන් සත්‍ය තත්වය විකෘති කොට දැක්වීම සහ එවැනි අගතිගාමී සාවද්‍ය සිතුවිල්ලක් ජනතාවට කාවද්දන්නට උත්සාහ ගන්නේ මන්ද යන කාරණය ඇත්තෙන්ම සළකා බැලීම වටී. ඒ ගැන මදක් සිතා බලන්න.
විසම්මුතික විද්‍යාර්ථියෙකුගේ සටහන 